| Гостевая книга | Главная страница. | назад |
|
+
ГОСПОДИ Іисусе Христе, Сыне Божій, Ты бо реклъ еси пречистыми усты Твоими: «Аминь глаголю вамъ, яко аще двое отъ васъ совещаются на земли всякой вещи, ее же аще просите, будете иметь отъ Отца Моего Иже на небесахъ: где же двое или трое собрались во имя Мое, ту есъмъ Азъ посреди ихъ». Непреложны словеса Твоя, Господи, милосердіе Твое безприкладно и человеколюбію Твоему несть конца. Сего Ради молимъ Тя и стеняще вопіемъ Ти, Боже нашъ, даруй намъ Рабамъ Твоимъ, всемъ православнымъ христіанамъ, согласившимся просить Тя о скорби нашей, за страждущую страну нашу Россійскую и Чадъ Церкви Православныя, исполненія прошенія нашего. Боже великій и дивный, каяйся о злобахъ человеческихъ, возводяй низверженныя и утверждаяй ниспадающія, не отрини наши молитвы и воздыханія сердечныя въ сіе время тяжкое противъ смертоноснаго и богомерзкаго духа антихристіанскаго, силящегося запечатлеть народъ нашъ на служеніе себе и отвергнуть насъ оть благодати Тебе Бога Живаго и Истиннаго. Да не будетъ сего, Боже нашъ! Помяни Господи милости, яже показалъ еси отцемъ нашимъ, разрушь коварство діавола, восстающего на ны. Силою Креста Твоего даруй всемъ намъ духа премудрости и страха Божія, духа крепости и благочестія, да не погибнемъ обольщенные лукавствомъ сатанинскимъ. Воздвигни намъ мужей силы и разума. Возстави Боже престолъ православныхъ царей, да поставленъ будеть Удерживающій всякое зло и неправду умножившуюся в стране нашей. Господи Боже Спасителю нашъ, сердцемъ сокрушеннымъ къ Тебе припадая, просимъ Тя: обольщенныя обрати на путь правый настави, малодушныя укрепи, маловерныя просвети, и духомъ Твоея ревности воспламени, да не погибнемъ отъ сетей вражиихъ. Сего ради къ Тебе прибегаемъ, яко Ты еси Богъ нашъ и разве Тебе иного не вемы. Но обаче не якоже мы хотимъ, но якоже Ты. Да будетъ во веки воля Твоя. Аминь. |
| Гостевая книга | Главная страница. | назад |